Մադրիդի «Ռեալը» որոշում է կայացրել հրաժարվել նոր կենտրոնական հարձակվող ձեռք բերելու մտադրությունից։ Ինչպես հայտնում է Diario AS-ը, ակումբը սկզբում դիտարկել է նոր կենտրոնական հարձակվողի տարբերակը, որը չի պահանջի մշտական տեղ մեկնարկային կազմում։

Սակայն «արքայական» ակումբի ղեկավարությունը կարծում է, որ 21-ամյա Գոնսալո Գարսիան արդեն լիովին համապատասխանում է այդ դերին։ ՖԻՖԱ-ի Աշխարհի ակումբային առաջնությունում նա մասնակցել է 3 հանդիպման՝ դառնալով 2 գոլի և 1 գոլային փոխանցման հեղինակ։

Նախորդ մրցաշրջանում Գարսիան տպավորիչ խաղ է ցուցադրել «Կաստիլիայի» կազմում, և այժմ վստահություն է ներշնչում՝ որպես առաջին թիմի փոխարինող հարձակվող։