«Բավարիայի» հարձակվող Հարի Քեյնը մեկնաբանել է 2025 թվականի Աշխարհի ակումբային առաջնության 1/8 եզրափակչում «Ֆլամենգոյի» նկատմամբ տարած հաղթանակը (4-2), որտեղ նա երկու գոլ է խփել։
«Դժվար խաղ էր լավ թիմի դեմ։ Կարծում եմ՝ մենք լավ հանդիպում անցկացրեցինք։ Նրանք դժվարացրին մեր գործը, հատկապես երկրորդ խաղակեսում։ Ահա թե ինչու չորրորդ գոլը մեզ համար այդքան կարևոր էր։
Մեզ ևս մեկ դժվար խաղ է սպասվում ՊՍԺ-ի դեմ։ Նրանք անհավանական մրցաշրջան են անցկացրել։ Մենք նախկինում խաղացել ենք նրանց դեմ և հաղթել։
Մենք պետք է այդ զգացողությունը տանենք խաղի մեջ, չնայած գիտենք, որ հեշտ չի լինելու։ Բայց մենք ցույց տվեցինք, որ կարող ենք հաղթել ցանկացած մեկին», – Քեյնի խոսքերն է մեջբերում DAZN-ը։
Քառորդ եզրափակչում «Բավարիան» կմրցի ՊՍԺ-ի դեմ։
