Գերմանացի հայտնի նախկին մարզիչ Յուրգեն Կլոպը նշել է, որ չի կարոտում մարզչական աշխատանքը։ Ինչպես հայտնի է, 2023/2024 մրցաշրջանի ավարտին Կլոպը լքեց «Լիվերպուլի» ղեկապետի պաշտոնը, որտեղ նա աշխատեց գրեթե ինը տարի և հաջողությունների հասավ։
«Ես ոչինչ չեմ կարոտում։ Ինձ դուր էր գալիս մարզիչ լինելը, բայց ես երբեք կախված չէի դրանից», – ասել է Կլոպը Welt-ին տված հարցազրույցում։
Կլոպը նաև նշել է, որ այժմ վայելում է իր նոր դերը։ 2025 թվականի օրացուցային տարվա սկզբից գերմանացին աշխատում է «Ռեդ Բուլի» ֆուտբոլային համակարգում։ Ինչպես հայտնի է, ժամանակ առ ժամանակ լուրեր են շրջանառվում, որ Յուրգեն Կլոպը կապվում է թիմերի հետ։
