Արգենտինացի դարպասապահ Էմիլիանո Մարտինեսի ապագան «Ասթոն Վիլայում» հարցականի տակ է։
Ըստ Daily Mail-ի՝ 32-ամյա դարպասապահը մտադիր է այս ամռանը փոխել ակումբային գրանցումը, և բիրմինգհեմյան թիմի ղեկավարությունը պատրաստ է քննարկել դարպասապահի վաճառքի առաջարկները։ Սակայն տրանսֆերի ճանապարհին կա մեկ խնդիր՝ գտնել այնպիսի գնորդ, որը պատրաստ կլինի վճարել բավականին մեծ գումար։
Հավանական տարբերակների շարքում նշվում է «Ատլետիկո Մադրիդը», սակայն իսպանացիների հետաքրքրությունը կախված է Յան Օբլակի ապագայից։ Քանի դեռ սլովենացին մնում է թիմում, մադրիդյան ակումբը չի պարտադրի բանակցություններ Մարտինեսի հետ։
Սաուդյան Արաբիայի ակումբները նույնպես հետևում են իրավիճակին, սակայն դարպասապահն ինքը չի շտապում քննարկել Մերձավոր Արևելք տեղափոխվելու հնարավորությունը։ Առաջնահերթությունը մնում է Արգենտինայի հավաքականի մեկնարկային կազմում տեղը պահպանելը 2026 թվականի Աշխարհի առաջնությունից առաջ, և դա հնարավոր է միայն այն դեպքում, եթե նրանք խաղան Եվրոպայի ուժեղագույն լիգաներում։
Ավելի իրատեսական ուղղություններ են նշվում «Չելսին» և «Մանչեսթեր Յունայթեդը», որոնք պոտենցիալ կարիք ունեն բարձր մակարդակի դարպասապահի։ Սակայն այստեղ նույնպես ամեն ինչ կախված է հնարավոր տրանսֆերի գումարից, որը կարող է խոչընդոտ դառնալ գործարքի համար։
