«Արսենալը» հետաքրքրված է «Ռեալ Մադրիդի» հարձակվող Ռոդրիգոյի ծառայություններով, քանի որ «Ատլետիկի» վինգեր Նիկո Ուիլյամսը շատ մոտ է «Բարսելոնա» տեղափոխվելուն: Այս մասին հայտնում է AS-ը։
Աղբյուրի համաձայն՝ բրազիլացի ֆուտբոլիստի աշխատավարձը կարող է էական խոչընդոտ լինել նրա լոնդոնյան ակումբ տեղափոխվելու համար։
Ռոդրիգոյի աշխատավարձը «Լոս Բլանկոսում» կազմում է տարեկան 7-8 միլիոն եվրո, ինչը չի տեղավորվում «Արսենալի» աշխատավարձի սանդղակում։
Բացի այդ, անգլիական գրանդը 24-ամյա վինգերի հնարավոր տրանսֆերի համար ստիպված կլինի վճարել ավելի քան 90 միլիոն եվրո։
2024/25 մրցաշրջանում Ռոդրիգոն մասնակցել է 51 հանդիպման բոլոր մրցաշարերում, որոնցում խփել է 14 գոլ և կատարել 10 գոլային փոխանցում։ Ֆուտբոլիստի ներկայիս աշխատանքային պայմանագիրը ակումբի հետ նախատեսված է մինչև 2028 թվականի ամառը։
Transfermarkt-ը ֆուտբոլիստի արժեքը գնահատում է 90 միլիոն եվրո։
