«Բարսելոնայի» գլխավոր մարզիչ Հանս-Դիտեր Ֆլիկը կքննարկի դարպասապահ Մարկ-Անդրե տեր Շտեգենի ապագան ակումբում «Էսպանյոլի» դարպասապահ Ժոան Գարսիայի տեղափոխությունից հետո, հաղորդում է Spots.es-ը։

Աղբյուրի փոխանցմամբ՝ 33-ամյա գերմանացին դժգոհ է, որ իր հետ նոր դարպասապահի հետ պայմանագիր կնքելու մասին չեն քննարկվել։ Ի պատասխան՝ ակումբի ներկայացուցիչները նշել են, որ անհրաժեշտ չեն համարել նրան բացատրություն տալ։

2024/25 մրցաշրջանում Տեր Շտեգենը «Բարսելոնայի» կազմում անցկացրած 9 խաղում բաց է թողել 11 գոլ։ Նա մեկ խաղում անառիկ է պահել դարպասը։ Դարպասապահի պայմանագիրը նախատեսված է մինչև 2028 թվականի հունիսի 30-ը։

Transfermarkt-ը ֆուտբոլիստի տրանսֆերային արժեքը գնահատում է 12 միլիոն եվրո։