«Լայպցիգի» հարձակվողական կիսապաշտպան Չավի Սիմոնսը շարունակում է լուրջ պահանջարկ ունենալ անգլիական Պրեմիեր լիգայի ակումբների շրջանում:
22-ամյա հոլանդացու նկատմամբ հետաքրքրությունը պարբերաբար վերագրվում է գրեթե բոլոր անգլիական գրանդներին: Հիմնական հավակնորդներից մեկը «Թոթենհեմն» է, որը, լրագրող Բեն Ջեյքոբսի խոսքով, վերջերս դիմել է Սիմոնսին՝ պարզելու նրա պահանջները և տրանսֆերի գինը:
Բանակցություններում դեռևս առաջընթաց չկա, բայց իրավիճակը կարող է փոխվել մոտ ապագայում: Հայտնի Transfermarkt պորտալի փորձագետները Չավի Սիմոնսի արժեքը գնահատում են 70 միլիոն եվրո:
