«Մանչեսթեր Յունայթեդի» նախկին ֆուտբոլիստ Ուեյն Ռունին հայտարարել է, որ մոտ ապագայում մարզչական աշխատանքի վերադառնալու ծրագրեր չունի։
«Ակնհայտ է, որ այս պահին ես պարզապես հեռուստատեսությամբ եմ զբաղվում, դա է այն, ինչով զբաղվում եմ։ Ես սիրում եմ դա։ Դա է այն, ինչով ես զբաղվելու եմ», – 39-ամյա Ռունիի խոսքերն է մեջբերում TalkSPORT-ը։
Ռունին միացել է «Դերբի Քաունթիի» մարզչական շտաբին 2019 թվականին, այնուհետև աշխատել է որպես այդ ակումբի գլխավոր մարզիչ։ Անգլիացին նաև գլխավորել է ամերիկյան «Դի Սի Յունայթեդը», «Բիրմինգհեմ Սիթին» և «Պլիմութ Արգայլը»։
