«Չելսիի» վինգեր Միխայիլ Մուդրիկի թիմը հրաժարվել է մեկնաբանել Ֆուտբոլի ասոցիացիայի (FA) կողմից ֆուտբոլիստի դեմ ուղղված պաշտոնական մեղադրանքները։
Ինչպես հաղորդում է լրագրող Բեն Ջեյքոբսը, Մուդրիկի դիրքորոշումը մնում է անփոփոխ։ Դեկտեմբերին խաղացողը հայտարարել էր, որ դոպինգի մեղադրանքները «իր համար ցնցող էին», նա պնդել էր, որ չի օգտագործել արգելված նյութեր և չի խախտել կանոնները։
Երեկ՝ հունիսի 18-ին, FA-ն պաշտոնապես մեղադրանք է առաջադրել Մուդրիկի դեմ, որի դոպինգի նմուշում նախկինում հայտնաբերվել էր արգելված մելդոնիում նյութ։ 24-ամյա «Չելսիի» խաղացողը կարող է որակազրկվել մինչև չորս տարի ժամկետով։
