«Մանչեսթեր Սիթիի» պաշտպան Քայլ Ուոքերը մտադիր է շարունակել կարիերան «Էվերթոնում»։ Այս մասին հայտնում է լրագրող Էկրեմ Քոնուրը։

Աղբյուրի համաձայն՝ «Էվերթոնը» բանակցություններ է սկսել պաշտպանի հետ «Միլանում» հանդես գալու ընթացքում։

Նշվում է, որ «Ֆեներբախչեն» դեռևս պայքարում է Ուոքերի համար, ակումբը սպասում է ֆուտբոլիստի պատասխանին։

Ուոքերը 2024/25 մրցաշրջանի երկրորդ մասն անցկացրել է «Միլանում» վարձակալությամբ։ Նա խաղադաշտում անցկացրել է 16 հանդիպում, բայց արդյունավետ գործողություններով աչքի չի ընկել։

Transfermarkt-ը պաշտպանի արժեքը գնահատում է 6 միլիոն եվրո։