«Մանչեսթեր Յունայթեդի» կամերունցի դարպասապահ Անդրե Օնանան, ով ավարտված մրցաշրջանում անկայուն խաղ ցուցադրեց, հավանաբար կմնա թիմում և երկրորդ հնարավորություն կստանա, հաղորդում է Goal.com-ը:
«Մանչեսթեր Յունայթեդի» համար այս պահին այդ դիրքն ամրապնդելն առաջնահերթ չէ, և ակումբը կցանկանար գումարը ծախսել այլ բաների վրա: Օնանան կմնա թիմում, իսկ Թոմ Հիթոնը և Ալտայ Բայինդիրը կլինեն պահեստային խաղացողների դերում:
39-ամյա Հիթոնին կառաջարկվի նոր պայմանագիր մեկ մրցաշրջանով: «Ասթոն Վիլայի» դարպասապահ Էմիլիանո Մարտինեսը այժմ կարող է դիտարկել կարիերան շարունակելու այլ տարբերակներ:
