«Բարսելոնան» քննարկում է «Ատլետիկի» հարձակվող Նիկո Ուիլյամսի հետ պայմանագիր կնքելու հարցը, այն բանից հետո, երբ մարզական տնօրեն Դեկուն հանդիպել է ֆուտբոլիստի գործակալի հետ։ Այս մասին հայտնում է Mundo Deportivo-ն։
Աղբյուրի փոխանցմամբ՝ «Բարսելոնան» կարող է խնդիրներ ունենալ 22-ամյա ֆուտբոլիստի տրանսֆերի հարցում։ Նախ, ակումբը ստիպված կլինի վճարել 64 միլիոն եվրո պայմանագրի վաղաժամկետ խզման համար։ Երկրորդ՝ «Ատլետիկը» կպահանջի, որ «Բարսելոնան» միանգամից վճարի ամբողջ գումարը, ինչը կատալոնական ակումբից, որը դեռևս վերականգնում է իր ֆինանսական վիճակը, կպահանջի զգալի ֆինանսական ջանքեր։
Նշվում է, որ «Բարսելոնան» կարող է վարկ վերցնել Ուիլյամսին պայմանագիր կնքելու համար։
Բացի այդ, ակումբների միջև հարաբերությունները լարված են Նեգրեյրայի գործի և ֆինանսական արդար խաղի իրավիճակի հետ կապված «Ատլետիկի» կողմից «Բարսելոնայի» հասցեին ուղղված քննադատության պատճառով։
