Երևանի «Փյունիկ» Ֆուտբոլային Ակումբը հայտարարել է նոր համալրման մասին․ թիմին է միացել 27-ամյա հարձակվող Սարգիս Մեթոյանը։ Այս մասին տեղեկացնում է ակումբի պաշտոնական կայքը։
Մեթոյանը հանդես է եկել մի շարք հայկական ակումբներում՝ «Դվին», «Արարատ-2», «Արարատ», «Լեռնային Արցախ»։ 2022 թվականին նա հանդես է եկել նաև արտասահմանում՝ Ռումինիայի երկրորդ լիգայի «Չիկսերեդա» թիմում։ Այնուհետև վերադարձել է Հայաստան՝ հանդես գալով «Ալաշկերտի» և «Վեստ Արմենիայի» կազմում։
Վերջին մրցաշրջանը Մեթոյանը անցկացրել է «Ալաշկերտում», որտեղ աչքի է ընկել արդյունավետությամբ՝ դառնալով թիմի լավագույն ռմբարկու՝ խփելով 8 գոլ։ Ընդհանուր առմամբ, Հայաստանի Պրեմիեր լիգայում նա մասնակցել է 126 հանդիպման՝ գրանցելով 19 գոլ և 11 գոլային փոխանցում։
«Փյունիկը» շնորհակալություն է հայտնում Մեթոյանին միանալու համար և մաղթում հաջողություն առաջիկա մրցաշրջանում։
