Մադրիդյան ակումբներ «Ռեալը» և «Ատլետիկոն» խնդրել են Իսպանիայի առաջնության նոր մրցաշրջանի մեկնարկը հետաձգել ավելի ուշ ժամկետով։ Այս մասին հայտնել է Relevo-ի լրագրող Խավիեր Ռոդրիգես Պասկուալը։
Սկզբնապես, Լա Լիգայի 2025/26 մրցաշրջանի մեկնարկը նախատեսված է օգոստոսի 17-ին։ Սակայն, եթե իսպանական թիմերը հասնեն ակումբային աշխարհի առաջնության եզրափակիչ փուլ, որը տեղի կունենա 2025 թվականի հունիսի 14-ից հուլիսի 13-ը ԱՄՆ-ում, ակումբների ներկայացուցիչները առաջարկում են մեկնարկը հետաձգել մեկ շաբաթով՝ մինչև օգոստոսի 24-ը։
Նախաձեռնությունը աջակցել են երկու թիմերի ավագները, ինչպես նաև ֆուտբոլիստների միությունը՝ AFE-ն, որը առաջարկվող դադարը համարում է անհրաժեշտ խաղացողների լիարժեք ապաքինման համար։ Հնարավոր հետաձգման վերաբերյալ վերջնական որոշումը կկայացվի Լա Լիգայի ղեկավարության հետ առաջիկա շաբաթներին բանակցություններից հետո։
