Արգենտինայի հավաքականի հարձակվող Լիոնել Մեսսին կարող է լքել «Ինտեր Մայամին»։ Այս մասին հայտնում է լրագրող Ֆլավիո Ազարոն։
Հարձակվողը ցանկանում է իրականացնել իր երազանքը և տեղափոխվել «Նյուելս Օլդ Բոյս», որի կազմում խաղացել է մանկության տարիներին (1994-2000)։
Նշվում է, որ հնարավոր տեղափոխության համար կան բազմաթիվ խոչընդոտներ, այդ թվում՝ վարչական (ակումբի ղեկավարության ընտրություններ) և ընտանեկան։
Լրագրողը նշում է, որ խոչընդոտներից անկախ, Մեսսին հիմա հստակ որոշում է կայացրել իր համար։ Եթե տրանսֆերը իրականանա, արգենտինացին կդառնա «Նյուելս Օլդ Բոյսի» ֆուտբոլիստ 2025 թվականի դեկտեմբերին։
