«Ռեալ Մադրիդի» գլխավոր մարզիչ Խաբի Ալոնսոն պատրաստվում է կառուցել 4-3-3 համակարգ։ Marca-ի տվյալներով՝ ակումբը գիտակցում է, որ ներկայիս կազմը դեռևս պատրաստ չէ երեք կենտրոնական պաշտպանով համակարգի, հատկապես վնասվածքների պատճառով։
Իր գաղափարներն իրականացնելու համար Ալոնսոն հույսը դնում է պաշտպանությունում հարձակվող ֆուտբոլիստների բարձր ներգրավվածության վրա։ Նա մտահոգված է, որ այս մրցաշրջանում հարձակվողական եռյակը միշտ չէ, որ աշխատել է առանց գնդակի։
Մարզչի խոսքով՝ հարձակվողներից առավելագույնը մեկը կարող է ազատվել պաշտպանական պարտականություններից, բայց ոչ ամբողջ եռյակը։
Խաբի Ալոնսոն իր առաջին զրույցներից մեկը կունենա Վինիսիուս Ժունիորի հետ նախամրցաշրջանային խաղերում։ Նա մտադիր է բացատրել, որ թիմի կազմում խաղալը միայն գոլերի և դրիբլինգի մասին չէ: Նոր մարզիչը պատրաստ չէ հանդուրժել դաշտում պասիվությունը և ցանկանում է, որ յուրաքանչյուր ֆուտբոլիստ պատրաստ լինի զոհաբերել իրեն ընդհանուր արդյունքի համար։
