Եվրոպական ֆուտբոլային ասոցիացիաների միությունը (ՈՒԵՖԱ) Չեմպիոնների Լիգայի վերջին մրցաշրջանի արդյունքներով, որը նշանավորվեց ՊՍԺ-ի հաղթանակով, փարիզյան թիմին կվճարի 148.4 միլիոն եվրո։ Այս մասին հայտնել է Football Meets Data-ն X սոցիալական ցանցում։
Աղբյուրի համաձայն՝ ՊՍԺ-ն Չեմպիոնների Լիգայի եզրափակչում «Ինտերին» հաղթելու համար (5-0) կստանա 6.5 միլիոն եվրո։ Փարիզյան ակումբը ևս 4 միլիոն եվրո կվաստակի ՈՒԵՖԱ-ի Սուպերգավաթի խաղարկությանը մասնակցելու համար, որտեղ Լուիս Էնրիկեի թիմը կհանդիպի «Թոթենհեմի» հետ։
Մրցույթի եզրափակիչի մասնակից «Ինտերը» մրցաշրջանից հետո ՈՒԵՖԱ-ից կստանա 136.6 միլիոն եվրո։ Չեմպիոնների Լիգայից ստացված եկամուտներով «Արսենալը» զբաղեցնում է երրորդ տեղը՝ վաստակելով 117 միլիոն եվրո։
