«Լայպցիգը» ցանկանում էր գլխավոր մարզչի հետ խնդիրը լուծել մինչև մայիսի վերջ, սակայն խնդիրների հանդիպեց, ուստի ակումբը դեռ չի հայտարարել նոր մարզչի անունը։
Sky Sport-ի տվյալներով՝ «Լայպցիգի» ղեկավարության և «Կոմոյի» գլխավոր մարզիչ Սեսկ Ֆաբրեգասի միջև բանավոր համաձայնություն է եղել, սակայն իտալական ակումբը մերժել է 38-ամյա իսպանացու տրանսֆերի վերաբերյալ բոլոր առաջարկները։
Գերմանական ակումբի ցուցակում ընդգրկված Օլիվեր Գլասները նույնպես չի ցանկանում լքել «Քրիստալ Փելասը»։
2024/25 մրցաշրջանում «Լայպցիգը», Մարկո Ռոուզի և Ժոլտ Լյովի գլխավորությամբ, վաստակեց 51 միավոր և զբաղեցրեց Բունդեսլիգայի մրցաշարային աղյուսակի 7-րդ տեղը։
