Բրազիլացի կենտրոնական պաշտպան Գաբրիելը կարող է նոր աշխատանքային պայմանագիր կնքել Լոնդոնի «Արսենալի» հետ։ Այս մասին հայտնել է BBC-ն։
Ինչպես հայտնի է դարձել աղբյուրին, «Արսենալի» ներկայացուցիչները բանակցություններ են սկսել ֆուտբոլիստի գործակալի հետ համագործակցության երկարաձգման հարցի շուրջ։ Բանակցությունները ակտիվորեն ընթանում են, կողմերը մոտ են համաձայնության։
Գաբրիելի ներկայիս աշխատանքային պայմանագիրը լրանում է 2027 թվականին։ Անցյալ մրցաշրջանում բրազիլացին մասնակցել է Անգլիայի Պրեմիեր լիգայի 28 խաղի։ Գաբրիելը խփել է երեք գոլ և կատարել մեկ գոլային փոխանցում։
