Հայտնի ինսայդեր Ֆաբրիցիո Ռոմանոն խոսել է «Մանչեսթեր Յունայթեդի» հարձակվող Մարկուս Ռեշֆորդի «Բարսելոնա» հնարավոր տեղափոխության մասին:
Իսպանական լրատվամիջոցների տվյալներով՝ հարձակվողը շատ է ցանկանում միանալ «Բլաուգրանային» և պատրաստ է մերժել այլ ակումբների առաջարկները, մինչև իրավիճակը պարզ չդառնա:
«Բարսելոնան» ցանկանում է այս ամռանը պայմանագիր կնքել հարձակվողի հետ, բայց Ռեշֆորդը միակ տարբերակը չէ: Ակումբը, օրինակ, նաև հետևում է Լուիս Դիասին: Ինձ ասացին, որ Դեկուի ցուցակում կան ևս երկու խաղացողներ:
«Ռեշֆորդի տրանսֆերը տեղի չի ունենա ո՛չ այսօր, ո՛չ վաղը, ո՛չ էլ մեկ շաբաթ անց՝ մոռացեք դրա մասին», – Ռոմանոյի խոսքերն է մեջբերում Barca Universal-ը:
Հիշեցնենք, որ Մարկուս Ռեշֆորդը 2024/25 մրցաշրջանի երկրորդ կեսը վարձավճարով անցկացրել է «Աստոն Վիլայում»:
