Ֆրանսիացի հարձակվող Կիլիան Մբապեն ճանաչվել է Մադրիդի «Ռեալի» լավագույն խաղացողը 2024/2025 մրցաշրջանի արդյունքներով։ Այս մասին տեղեկացնում է ակումբի մամուլի ծառայությունը։

26-ամյա Մբապեն, ով այս մրցաշրջանի սկզբում միացել էր մադրիդյան գրանդին, բոլոր մրցաշարերում մասնակցել է 55 հանդիպման՝ իր հաշվին գրանցելով 42 գոլ և 4 գոլային փոխանցում։ Նրա բարձր արդյունավետությունը և կայուն խաղը նրան ապահովել են թիմի ամենանշանավոր ֆուտբոլիստի կոչումը։

Չնայած նրա անձնական հաջողություններին, «Ռեալ Մադրիդը» Լա Լիգայի մրցաշրջանն ավարտել է երկրորդ տեղում՝ զիջելով չեմպիոնի տիտղոսը «Բարսելոնային»։