Մադրիդի «Ռեալը» նախատեսում է ետ բերել երիտասարդ կիսապաշտպան Նիկո Պասին «Կոմոյից»՝ օգտվելով պայմանագրում նշված շուրջ 8 միլիոն եվրոյի հետգնման կետից։ Այս մասին հայտնում է իսպանական Marca-ն։

Ակումբը ցանկանում է, որ 19-ամյա ֆուտբոլիստը միանա թիմին մինչ Աշխարհի ակումբային առաջնության մեկնարկը՝ նրան միջազգային մրցաշարի պայմաններում փորձելու և զարգացման հնարավորություն տալու նպատակով։

Պասը 2024/25 մրցաշրջանում «Կոմոյի» կազմում հանդես է եկել 35 խաղում՝ գրանցելով 6 գոլ և 8 գոլային փոխանցում՝ վաստակելով վստահություն իտալական ակումբում։