«Նապոլիի» նախագահ Աուրելիո Դե Լաուրենտիսը նշել է, որ կիսապաշտպան Կևին Դե Բրույնեն, ով ազատ գործակալի կարգավիճակով լքում է «Մանչեսթեր Սիթին», կմիանա նեապոլիտանական թիմին։

«Գիտեմ, որ Կևինն արդեն առանձնատուն է գնել Իտալիայում։ Մենք նրա հետ խոսեցինք առավոտյան, տեսազանգ եղավ նրա ընտանիքի հետ։ Սա պաշտոնական է՞։ Պայմանագիրը դեռ չի ստորագրվել, բայց ամեն ինչ լուրջ է», – Դե Լաուրենտիսի խոսքերն է մեջբերել Sky Sports-ը։

Այս մրցաշրջանում «Նապոլին» դարձավ Իտալիայի չեմպիոն։

Այս մրցաշրջանում Դե Բրույնեն «Քաղաքայինների» կազմում բոլոր մրցաշարերում անցկացրել է 38 հանդիպում, խփել վեց գոլ և կատարել ութ գոլային փոխանցում։ Ֆուտբոլիստի ներկայիս աշխատանքային պայմանագիրը իր ներկայիս ակումբի հետ ուժի մեջ է մինչև 2025 թվականի հունիսի 30-ը։