«Այաքսի» 34-ամյա կիսապաշտպան Ջորդան Հենդերսոնը պլանավորում է փոխել ակումբային գրանցումը։ Այս մասին հաղորդում է De Telegraaf-ը։
Նա մարզիչ Ֆրանչեսկո Ֆարիոլիի ղեկավարության ներքո հիմնական կազմի խաղացող էր, սակայն նրա հրաժարականից հետո Հենդերսոնը նույնպես կարող է լքել թիմը, քանի որ ղեկավարությունը նրա աշխատավարձը չափազանց բարձր է համարում։
Աղբյուրի փոխանցմամբ՝ անգլիացի կիսապաշտպանի ծառայություններով հետաքրքրված են երկու ակումբներ։ Եթե Սթիվեն Ջերարդը գլխավորի «Ռեյնջերսը», Հենդերսոնը կարող է համալրել նախկին թիմակցի թիմը։
Պրեմիեր լիգայի նորեկ «Սանդերլենդը» նույնպես հետաքրքրված է այս ֆուտբոլիստի ծառայություններով, որը հենց այդ ակումբի սան է։
