Չնայած մամուլում տարածված խոսակցություններին՝ Նիկո Ուիլյամսի հնարավոր տեղափոխությունը «Ռեալ Մադրիդ» իրականում չի դիտարկվում ակումբի կողմից։ Իսպանական հայտնի լրագրող Խոսեպ Պեդրերոլի փոխանցմամբ՝ «Լոս Բլանկոսը» երբեք լուրջ հետաքրքրություն չի ցուցաբերել 22-ամյա թևային հարձակվողի նկատմամբ։ Ըստ աղբյուրի՝ այս լուրերը տարածվում են հենց «Ատլետիկի» և խաղացողի ներկայացուցիչների կողմից՝ շուկայում վերջինիս արժեքը բարձրացնելու նպատակով։
Ուիլյամսի անունը նախկինում կապվում էր նաև «Բարսելոնայի» հետ, սակայն կատալոնական ակումբը հրաժարվեց գործարքից՝ ֆինանսական սահմանափակումների և երիտասարդ խաղացողների առաջընթացի պատճառով։ 2024/25 մրցաշրջանում Նիկո Ուիլյամսը Լա Լիգայում անցկացրեց 29 հանդիպում, որոնցում խփեց 5 գոլ և կատարեց 5 գոլային փոխանցում։ Նրա պայմանագրում նշված հրաժարագինը կազմում է 58 միլիոն եվրո։
