«Ռեալ Մադրիդի» կիսապաշտպան Լուկա Մոդրիչը, հրաժեշտ տալով «Սանտիագո Բեռնաբեուի» հանդիսատեսին, հիշել է մարզադաշտում իր սիրելի խաղը։ Խորվաթը առանձնացրեց Չեմպիոնների լիգայի 1/8 եզրափակչի ՊՍԺ-ի դեմ խաղը, որը կայացել է 2022 թվականին:
«Սպիտակները» նվազագույն հաշվով պարտություն կրեցին Փարիզում և նաև առաջին գոլը բաց թողեցին տանը, բայց երկրորդ խաղակեսում երեք գոլ խփեցին և անցան հաջորդ փուլ. Քարիմ Բենզեման հեթ-տրիկ ձևակերպեց։
«Սիրելի հիշողությու՞նը։ ՊՍԺ-ի դեմ խաղը։ Այդ խաղից առաջ ես ասացի. «Եթե այսօր հաղթենք, Չեմպիոնների լիգան մերը կլինի»։ Ահա թե ինչ պատահեց», – 39-ամյա ֆուտբոլիստի խոսքերն է մեջբերում Madrid Zone-ը։
Լուկա Մոդրիչը կլքի «Ռեալ Մադրիդը» ընթացիկ մրցաշրջանի ավարտից հետո։
