«Լիվերպուլը» պայմանագիր կկնքի «Բայեր Լևերկուզենի» կիսապաշտպան Ֆլորիան Վիրցի հետ։ Ինչպես մի փոքր ավելի վաղ հայտնի դարձավ, 22-ամյա ֆուտբոլիստը համաձայնել է միանալ անգլիական գրանդին։
Ինսայդեր Ֆաբրիցիո Ռոմանոյի թարմացված տեղեկությունների համաձայն՝ «Լիվերպուլը» ցանկանում է հնարավորինս շուտ ավարտին հասցնել տրանսֆերը. գործը, հավանաբար, չի ձգձգվի շատ երկար։ Կողմերը դեռ պետք է համաձայնեցնեն գործարքի որոշ մանրամասներ։ Ֆլորիան Վիրցի ձեռքբերումը կլինի «Լիվերպուլի» պատմության մեջ ամենաթանկը, որի արժեքը կգերազանցի 100 միլիոն եվրոն։
«Բավարիան» նույնպես հետաքրքրություն ուներ աստղային հարձակողական կիսապաշտպանի նկատմամբ, բայց «մերսիսայդցիներին» հաջողվեց հաղթել մրցավազքում։
