«Բարսելոնայի» նախկին կիսապաշտպան Իվան Ռակիտիչը կիսվել է թիմի ներկայիս մակարդակի մասին իր կարծիքով։
«Բլաուգրանան» Հանս-Դիտեր Ֆլիկի գլխավորությամբ իր դեբյուտային մրցաշրջանում նվաճեց բոլոր ներքին գավաթները, սակայն Չեմպիոնների լիգայում կիսաեզրափակչում պարտվեց «Ինտերին» (ընդհանուր 6-7):
«Ֆլիկը միավորել է բոլոր տարրերը և ստեղծել ուժեղ թիմ, ինչը հատկապես ակնհայտ է վերջին ամիսներին։ Կան միայն մի քանի խնդիրներ, որոնք պետք է մշակվեն. օրինակ՝ այն, ինչ տեղի ունեցավ «Ինտերի» դեմ խաղերում, չպետք է պատահի «Բարսելոնայի» հետ։
Չեմպիոնների լիգայի կիսաեզրափակչում չես կարող յոթ գոլ բաց թողնել։ Բայց սա երիտասարդ թիմ է, այն կշարունակի աճել։ Եթե ամեն ինչ լավ ընթանա, այս «Բարսելոնան» լուրջ ուժ կլինի երկար տարիներ», – Ռակիտիչի խոսքերն է մեջբերում BarcaTimes-ը։
Հիշեցնենք, որ Ֆլիկը վերջերս երկարաձգեց իր պայմանագիրը մինչև 2027 թվականը։
