«Ռեալ Մադրիդի» թևային հարձակվող Ռոդրիգոն բաց կթողնի Բրազիլիայի հավաքականի առաջիկա մարզական հավաքը։ Հունիսի 5-ին և 10-ին «պենտակամպեոնները» կանցկացնեն իրենց առաջին խաղերը Կառլո Անչելոտտիի գլխավորությամբ. նրանց մրցակիցները կլինեն համապատասխանաբար Էկվադորը և Պարագվայը։
Լրագրող Տատի Մանտովանիի խոսքով՝ Ռոդրիգոն բաց կթողնի մարզական հավաքը, քանի որ նա ֆիզիկապես և հոգեպես սպառված է։ Որոշումն արդեն համաձայնեցված է Անչելոտտիի հետ, ով իր պարտականությունները կստանձնի առաջիկա օրերին։ Իտալացի մարզիչը Ռոդրիգոյի հետ աշխատում է «Ռեալ Մադրիդում» 2021 թվականից։
Բազմաթիվ լուրերի համաձայն, 24-ամյա ֆուտբոլիստը կարող է փոխել ակումբը այս ամռանը։ Լոնդոնի «Արսենալը» համարվում է գլխավոր հավակնորդը։
