«Նապոլին» եզակի ռեկորդ սահմանեց Ա Սերիայում։ Նեապոլիտանական ակումբը դարձավ Իտալիայի առաջին չեմպիոնը, որը մրցաշարի նախորդ խաղարկությունում զբաղեցրեց 10-րդ տեղը։

Այս մասին հայտնում է Opta-ն։

Ուրբաթ՝ մայիսի 23-ին, «Նապոլին» Ա Սերիայի 38-րդ տուրի վերջին խաղում հաղթեց «Կալյարիին» (2-0): Այս հաղթանակը թույլ տվեց թիմին դառնալ Իտալիայի չեմպիոն։

Իտալիայի առաջնության 38 խաղից հետո Անտոնիո Կոնտեի թիմն ունի 82 միավոր՝ մեկ միավորով առաջ անցնելով իրենց մոտակա հետապնդողից՝ «Ինտերից»։

2023/2024 մրցաշրջանում Ա Սերիայի 38 տուրից հետո «Նապոլին» 53 միավորով զբաղեցրեց 10-րդ տեղը։ «Ինտերը» հաղթեց մրցաշարում՝ հավաքելով 94 միավոր։