Կիսապաշտպան Լուկա Մոդրիչը շաբաթ օրը «Սանտիագո Բեռնաբեու» մարզադաշտում անցկացրեց իր վերջին խաղը «Ռեալ Մադրիդի» կազմում։
«Ռեալ Սոսյեդադի» նկատմամբ տարած հաղթանակից (2-0) հետո Մոդրիչը ելույթ ունեցավ։ 39-ամյա խորվաթ ֆուտբոլիստը «Լոս Բլանկոսի» մարզաշապիկով իր վերջին նպատակը համարել է Աշխարհի ակումբային առաջնությունում հաղթանակը։
«Իմ «վերջին պարը» կլինի Ակումբային աշխարհի առաջնությունում։ Մենք ամեն ինչ կանենք, որպեսզի գավաթը բերենք այստեղ և տոնենք մեր երկրպագուների հետ։
«Այս գավաթով ավարտել կարիերաս «Ռեալ Մադրիդում» հրաշալի կլինի», – ասել է Մոդրիչը։
