«Մանչեսթեր Յունայթեդի» հարձակվողական կիսապաշտպան Բրունո Ֆերնանդեշը ]=]կարող է հայտնվել «Բավարիայում»։ Այս մասին հաղորդում է TEAMtalk-ը։
Աղբյուրի փոխանցմամբ՝ «Բավարիան» հիանում է Ֆերնանդեշի խաղով և պատրաստ է խաղադրույք կատարել նրա վրա Ֆլորիան Վիրցի տրանսֆերի ձախողումից հետո։ Ասում են, որ «Մանչեսթեր Յունայթեդի» մարզիչ Ռուբեն Ամորիմը ցանկանում է պահել պորտուգալացուն, սակայն Չեմպիոնների լիգայի որակավորման փուլ չանցնելուց հետո «կարմիր սատանաների» ղեկավարությունը կարող է սկսել վերակառուցում և ազատվել մի քանի խաղացողներից։
Նաեւ ընդգծվում է, որ «Մանչեսթեր Յունայթեդի» բարձր ֆինանսական պահանջները կարող են վախեցնել «Բավարիային»։ Ֆերնանդեշը այս մրցաշրջանում բոլոր մրցաշարերում անցկացրել է 56 խաղ, խփել 19 գոլ և կատարել 19 գոլային փոխանցում։
