«Ռեալ Մադրիդի» նախկին պաշտպան և ավագ Սերխիո Ռամոսը կապ է հաստատել Լուկա Մոդրիչի հետ՝ մադրիդյան ակումբից հեռանալու մասին նրա հայտարարությունից հետո։
«Նա պարզապես ֆուտբոլիստ չէ, ով հրաժեշտ է տալիս «Ռեալ Մադրիդին», այլ հանճար, հավատարիմ ընկեր և եղբայր, ով խաղը վերածեց իսկական արվեստի։ Նրանցից մեկը, ում համար երկրպագուները լցնում են տրիբունաները, իսկ միլիոնավոր մարդիկ սառեցնում են էկրանների առջև՝ չցանկանալով բաց թողնել ոչ մի պահ։
Իսկապես ակնառու տաղանդի և հազվագյուտ մարդկային արժանապատվության տեր խաղացող՝ մարդ, որին ես հպարտությամբ կարող եմ ընկեր անվանել։
«Սանտիագո Բեռնաբեուի» լուսարձակները այլևս չեն լուսավորի քո մուտքը խաղադաշտ, բայց քո անունը ընդմիշտ ոսկե տառերով կմնա ակումբի պատմության մեջ՝ մեծագույն լեգենդների կողքին։
Եղբայր, մենք՝ մադրիդիստներս, միայն մեկ բառ ունենք՝ շնորհակալություն։ Շնորհակալություն ամեն ինչի համար։ Թող նոր փուլը ձեզ երջանկություն բերի։ Վստահ եմ, որ մեր ճանապարհները կրկին կհատվեն», – գրել է Ռամոսը իր սոցցանցերի էջում։
Մոդրիչը մրցաշրջանի ավարտին կհեռանա «Ռեալ Մադրիդից»։ Նա մադրիդյան ակումբում խաղացել է 13 տարի։ Այս ընթացքում 39-ամյա խորվաթ ֆուտբոլիստը նվաճել է 28 տիտղոս, այդ թվում՝ Չեմպիոնների Լիգայի վեց գավաթ։
