«Արսենալի» գլխավոր մարզիչ Միկել Արտետային հարցրել են, թե ում մրցաշրջանն էր ավելի լավ՝ իր թիմինը, թե՞ «Թոթենհեմինը»։
«Զինագործները» հասան Չեմպիոնների Լիգայի կիսաեզրափակիչ, որտեղ պարտվեցին ՊՍԺ-ին, և արդեն ապահովել են տեղը Պրեմիեր Լիգայի լավագույն եռյակում։ «Թոթենհեմը» առաջնության վերջին տուրից առաջ ընդամենը 17-րդ տեղում է, բայց կարողացավ հաղթել Եվրոպա Լիգան։
«Ես չեմ սիրում համեմատել իմ թիմը այլ թիմերի հետ։ Ես պարզապես պետք է վերլուծեմ այն։ Դա իմ աշխատանքն է», – Արտետայի խոսքերն է մեջբերում BBC-ն։
Հիշեցնենք, որ չորեքշաբթի օրը «Թոթենհեմը» Եվրոպա Լիգայի եզրափակչում 1-0 հաշվով հաղթեց «Մանչեսթեր Յունայթեդին»։
