«Ռեալ Մադրիդի» և Բիլբաոյի «Ատլետիկի» վինգեր Նիկո Ուիլյամսի միջև որևէ կապ չկա։ Այս մասին հայտնում է AS-ը։
Աղբյուրի փոխանցմամբ՝ չնայած Marca-ի այն հաղորդագրություններին, որ մադրիդյան գրանդը պատրաստ է «Ատլետիկին» վճարել 58 միլիոն եվրո իսպանացի ֆուտբոլիստի հետ պայմանագրի վաղաժամկետ խզման համար, «Ռեալը» չի քննարկում այս տարբերակը։
Ավելի վաղ հաղորդվում էր, որ «սերուցքայինների» ղեկավարությունը ցանկանում է պայմանագիր կնքել Ուիլյամսի հետ, քանի որ «Բարսելոնան» նախկինում հետաքրքրություն էր ցուցաբերել նրա նկատմամբ։ Ակումբը նաև պատրաստ է բաժանվել բրազիլացի Ռոդրիգոյից՝ հանուն այս գործարքի։
22-ամյա կիսապաշտպանը այս մրցաշրջանում բոլոր մրցաշարերում մասնակցել է 44 հանդիպման, խփել 11 գոլ և կատարել 7 գոլային փոխանցում։ Ուիլյամսի պայմանագիրը «Ատլետիկի» հետ լրանում է 2027 թվականի ամռանը։
Transfermarkt-ը ֆուտբոլիստի արժեքը գնահատում է 70 միլիոն եվրո։
