«Մանչեսթեր Յունայթեդի» դարպասապահ Ալտայ Բայինդիրը կարող է վաճառվել առաջիկա տրանսֆերային պատուհանի ժամանակ։
Թուրքը հաճախ չէր հայտնվում խաղադաշտում, բայց հասցրել է մի քանի թանկարժեք սխալներ թույլ տալ, այդ իսկ պատճառով, ինչպես Անդրե Օնանան, նա ևս քննադատության ենթարկվեց։
Լրագրող Փոլ Հերսթը նշում է, որ Բայինդիրը, կարծես թե, կվաճառվի այս ամռանը։ «Կարմիր սատանաների» ղեկավարությունը պլանավորում է պայմանագիր կնքել ևս մեկ դարպասապահի հետ, ով կարող է մրցակցել Օնանայի հետ մեկնարկային կազմում տեղի համար։
Ալտայ Բայինդիրը այս մրցաշրջանում «Մանչեսթեր Յունայթեդի» կազմում անցկացրել է ինը խաղ՝ բաց թողնելով 18 գոլ։ Transfermarkt-ը 27-ամյա դարպասապահի արժեքը գնահատում է 10 միլիոն եվրո։
