«Լիվերպուլի» հարձակվող Մոհամեդ Սալահը խոսել է ակումբի հետ իր պայմանագրի երկարաձգման գործընթացի մասին։
Ապրիլին 32-ամյա ֆուտբոլիստը երկարաձգեց պայմանագիրը «Մերսիսայդների» հետ մինչև 2027 թվականի ամառը։ Նրա նախորդ պայմանագիրը լրանում էր այս մրցաշրջանի վերջում։
«Ինչպե՞ս գնահատեցի պայմանագիրս երկարաձգելու հնարավորությունները։ Ակումբի պատմության հիման վրա՝ տասը տոկոս։ Գիտեմ, թե անցյալում «Լիվերպուլը» ինչպես էր վերաբերվում 30 տարեկանից բարձր ֆուտբոլիստներին։ Ես չէի սպասում, որ կմնամ։
Բանակցությունները տևեցին վեց ամիս, բայց հունվարից ի վեր ամեն ինչ ավելի ու ավելի լավ էր ընթանում։ Մեզանից ժամանակ պահանջվեց։ Կարծում եմ՝ ակումբը ստուգում էր, թե արդյոք ես դեռ կարող եմ օգտակար լինել», – Սալահի խոսքերն է մեջբերում Sky Sports-ը։
Այս մրցաշրջանում Սալահը բոլոր մրցաշարերում անցկացրել է 50 հանդիպում, խփել է 33 գոլ և կատարել 23 գոլային փոխանցում։
