Իտալացի նախկին պաշտպան Լեոնարդո Բոնուչին, ով վերջերս է ավարտել կարիերան, խոստովանել է, որ երազում է ապագայում դառնալ «Սկուադրո Աձուրայի» մարզիչ։
«Իմ ծրագիրն է հնարավորինս շուտ սկսել մարզումները։ Պատրաստվում եմ։ Կցանկանայի մարզել մեծ ակումբ, բայց ոչ անմիջապես։ Քայլ առ քայլ։ Սա պատասխանատվության այլ մակարդակ է, քան խաղադաշտում։ Իմ երազանքն է մարզել «Յուվենտուսը» և Իտալիայի ազգային հավաքականը։
«Սկզբում հույս ունեմ աշխատել երիտասարդական հավաքականի հետ, ապա՝ աստիճանաբար՝ մեծահասակների թիմի», – Բոնուչիի խոսքերն է մեջբերում pianetamilan.it-ը։ Հիշեցնենք, որ Իտալիայի հավաքականն այժմ մարզում է Լուչիանո Սպալետին։
