Իսպանացի կենտրոնական պաշտպան Դին Հեյսենի «Ռեալ Մադրիդ» տեղափոխության արդյունքում իտալական «Յուվենտուսը» ստանալու է մոտավորապես 4 միլիոն եվրո։ Այս մասին հայտնում է Sports-ը։
20-ամյա ֆուտբոլիստը վերջերս միացավ մադրիդյան ակումբին անգլիական «Բորնմութից»՝ 50 միլիոն ֆունտ ստեռլինգ արժեքով՝ կնքելով պայմանագիր մինչև 2030 թվականը։
Հիշեցնենք, որ Հեյսենը «Յուվենտուսի» կազմում էր մինչև 2024 թվականը, որից հետո տեղափոխվեց Պրեմիեր լիգա՝ 15 միլիոն եվրո գումարի դիմաց, ինչպես նաև լրացուցիչ բոնուսներով։ Թուրինյան ակումբը նախկինում ամրագրել էր պայմանագիր, ըստ որի՝ պահպանելու է 10% եկամտային բաժնեմաս ֆուտբոլիստի ապագա վերավաճառքից։
Այժմ, երբ «Բորնմութը» Հեյսենին վաճառել է զգալի շահույթով, իտալացիները կարող են ակնկալել մոտ 4 միլիոն եվրոյի չափով մուտք։
