Հարձակվող Անսու Ֆատին կարող է հնարավորություն ստանալ մասնակցելու «Վիլյառեալի» դեմ առաջիկա տնային խաղին, որը կարող է լինել նրա հրաժեշտի խաղը «Բարսելոնայի» կազմում։ Կատալոնացիները արդեն ապահովել են չեմպիոնական տիտղոսը նախատեսվածից շուտ՝ նվաճելով իրենց երրորդ գավաթը Հանս-Դիտեր Ֆլիկի դեբյուտային մրցաշրջանում, և մարզիչը նախատեսում է մնացած փուլերում ռոտացիա կատարել թիմի կազմում։

Ակնկալվում է, որ Ֆլիկը կհանգստացնի հիմնական խաղացողներին, այդ թվում՝ Լամին Յամալին և Պաու Կուբարսիին, ովքեր առջևում մարզական հավաք են անցկացնելու Իսպանիայի հավաքականի հետ։ Ռոնալդ Արաուխոն նույնպես կասկածի տակ է, քանի որ նա վերականգնվում է վնասվածքից, և նրա ապագան ակումբում նույնպես մնում է անորոշ։

Ֆատին, որի պայմանագիրը նախատեսված է մինչև 2026 թվականը, կարող է լքել ակումբը այս ամռանը։ Ֆուտբոլիստի առաջնահերթությունը մնում է կարիերան Իսպանիայում շարունակելը, չնայած Պրեմիեր Լիգայի ակումբների հետաքրքրությանը։ Հնարավոր տարբերակներից մեկը «Սևիլիան» է։ Այս մասին հայտնում է Football Espana-ն։

«Բարսելոնա» – «Վիլյառեալ» խաղը կկայանա մայիսի 18-ին։ Սկիզբը՝ Երևանի ժամանակով 21։00-ին։