«Բարսելոնայի» նախագահ Ժոան Լապորտան պատասխանել է այն հարցին, թե արդյոք Հանս-Դիտեր Ֆլիկը կշարունակի աշխատել որպես «Բլաուգրանաի» գլխավոր մարզիչ։
Լա Լիգայի 36-րդ տուրի՝ «Էսպանյոլի» հետ խաղից հետո «Բարսելոնան» նվաճեց չեմպիոնական տիտղոսը։ Կատալոնացիների համար այս հաղթանակը պատմության մեջ 28-րդն էր։
«Ընդհանուր հաջողության մեծ տոկոսը պատկանում է Ֆլիկին։ Նա հիացած է մեր նախագծից։ Անցել է մի քանի ամիս այն բանից, երբ մենք համաձայնության եկանք, որ նա կշարունակի աշխատել։
Ֆլիկը շատ ուրախ է, ասում է, որ ապրում է իր մարզչական մասնագիտական կարիերայի լավագույն շրջաններից մեկը», – Լապորտայի խոսքերն է մեջբերում Sport.es-ը։
Հիշեցնենք, որ Հանս-Դիտեր Ֆլիկը «Բարսելոնան» ստանձնեց անցյալ ամռանը։ Գերմանացու գլխավորությամբ «Բլաուգրանան» նվաճեց Լա Լիգան, Իսպանիայի գավաթը և Իսպանիայի Սուպերգավաթը։
