«Ռեալ Մադրիդի» գլխավոր մարզիչ Կառլո Անչելոտտին խոսել է Իսպանիայի առաջնության 36-րդ տուրի «Մալյորկայի» նկատմամբ տարած հաղթանակի մասին (2-1)։
Հաղթական գոլը «սերուցքայինները» խփեցին մրցավարի ավելացված ժամանակի 5-րդ րոպեին։
«Մենք չենք հանձնվում, չնայած 12 վնասվածքի, ինչը շատ հազվադեպ է պատահում: Ամեն ինչ որոշվեց թիմի լավ վերաբերմունքի շնորհիվ։ «Ռեալ Մադրիդը» փոխհատուցեց այդքան շատ ֆուտբոլիստների կորուստները իրենց հատուկ ջանքերով։ Եթե մենք դա անեինք ավելի շատ խաղերում, մրցաշրջանն ավելի լավը կլիներ։
Մենք հավատում ենք մեր արածին։ Եկեք հաղթենք մնացած խաղերը և տեսնենք, թե ինչ կլինի։ «Բարսելոնան», սպասվում է, որ կորուստներ կունենա, բայց ամեն ինչ կարող է պատահել։ Մենք դեռ պայքարի մեջ ենք», – Անչելոտտիի խոսքերն է մեջբերում Football Espana-ն։
«Ռեալ Մադրիդը» ունի 78 միավոր և զբաղեցնում է մրցաշարային աղյուսակի 2-րդ հորիզոնականը։ Առաջատար «Բարսելոնայի» հետ տարբերությունը 4 միավոր է, բայց կատալոնացիները մեկ խաղ պակաս են անցկացրել։
