«Բավարիան» սկսել է աշխատանքները Ֆլորիան Վիրցի տրանսֆերի շուրջ։
Լրագրող Ֆլորիան Պլետենբերգի խոսքով՝ մյունխենյան թիմը բանակցություններ է սկսել «Բայերի» հետ 22-ամյա կիսապաշտպանի հետ պայմանագիր կնքելու վերաբերյալ։ «Բավարիան» մտադիր է գործարքն ավարտին հասցնել մինչև աշխարհի ակումբային առաջնության մեկնարկը։
Նշվում է, որ «Բայերը» կփորձի Վիրցին թիմում պահել առնվազն հաջորդ մրցաշրջանում և կարող է նրա համար պահանջել մինչև 150 միլիոն եվրո։
Ավելի վաղ հաղորդվում էր, որ «Բավարիան» պատրաստվում է կիսապաշտպանի համար առաջարկել 100 միլիոն եվրո։ Ավելին, ակումբն արդեն նախնական համաձայնություն ունի խաղացողի հետ։
