«Ռեալ Մադրիդի» կիսապաշտպան Ջուդ Բելինգհեմը կարող է բաց թողնել գալիք մրցաշրջանի մեկնարկը՝ ուսի վիրահատության պատճառով։

Այս մասին հայտնում է Marca-ն։

Ըստ աղբյուրի՝ ներկայումս հայտնի չէ, թե երբ անգլիացի ֆուտբոլիստը կենթարկվի վիրահատության։ Եթե ​​վիրահատությունը տեղի ունենա մինչև ակումբային աշխարհի առաջնության մեկնարկը (հունիսի 15), ապա կա հնարավորություն, որ նա կվերականգնվի մինչև 2025/26 մրցաշրջանի մեկնարկը։

Սակայն, եթե վիրահատությունը տեղի ունենա «Ռեալի» մրցաշարին մասնակցության ավարտից հետո, ամենայն հավանականությամբ, Ջուդ Բելինգհեմը խաղադաշտ չի վերադառնա մինչև սեպտեմբեր։

«Լոս Բլանկոսի» կիսապաշտպանը ուսի վնասվածք ունի 2023 թվականի նոյեմբերից, երբ նա վնասվածք ստացավ «Ռայո Վալեկանոյի» դեմ խաղում։