«Լիվերպուլի» ամառային տրանսֆերային նպատակներից մեկը կենտրոնական հարձակվողի ձեռքբերումն է։ Մերսիսայդյան ակումբի առաջնահերթությունը Նյուքասլից Ալեքսանդր Իսակին գնելն է։
Այնուամենայնիվ, մերսիսայդցիները այլ տարբերակներ ունեն։ Անգլիայի չեմպիոնների ցուցակում են նաև Վիկտոր Գյոկերեսը (Սպորտինգ), Հյուգո Էկիտիյկեն (Այնտրախտ Ֆրանկֆուրտ), Լիամ Դելապը (Իպսվիչ) և Վիկտոր Օսիմհենը (Նապոլի):
Ավելի վաղ տեղեկություններ կային, որ Դարվին Նունյեսը, ով դժվար մրցաշրջան է անցկացրել, կարող է ամռանը լքել «Լիվերպուլը»։ Հարկ է նշել, որ «Լիվերպուլը» 2020 թվականից ի վեր առաջին անգամ դարձավ Անգլիայի չեմպիոն։
