«Լիվերպուլի» մարզիչ Առնե Սլոտը նշել է, որ թիմի հաղթանակից հետո Պրեմիեր Լիգայում ավելի հեշտ կլինի ֆուտբոլիստներ ներգրավել ակումբ։
«Չեմպիոնական տիտղոսը նվաճելու գլխավոր առավելությունն այն է, որ նախկինում, երբ խոսում էի ինձ հետաքրքրող ֆուտբոլիստների հետ, միշտ ասում էի նրանց, որ մեր երկրպագուները շատ յուրահատուկ են, և որ մեր ակումբում խաղալը հատուկ պատիվ է։
Չնայած, գուցե, անհրաժեշտ չէր այս ամենը ասել։ Բայց հաղթանակից հետո, կարծում եմ, որ ստիպված չեմ լինի ոչ մեկին պատմել մեր երկրպագուների յուրահատուկ բնույթի մասին, և դա անհավանական է։ Չեմպիոնական տիտղոսը նվաճելը, գումարած մեր երկրպագուները, հիանալի խայծ է ցանկացած խաղացողի համար, որին մենք ցանկանում ենք հրավիրել», – Սլոտի խոսքերն է մեջբերում The Guardian-ը։
Պրեմիեր Լիգայի 2024/25 մրցաշրջանի 34-րդ տուրում «Լիվերպուլը» հաղթեց «Թոթենհեմին» (5-1) և ժամանակից շուտ նվաճեց Պրեմիեր Լիգայի տիտղոսը։ Թիմը նվաճեց գավաթը իր պատմության մեջ 20-րդ անգամ և հավասարվեց «Մանչեսթեր Յունայթեդին» ազգային առաջնությունում տիտղոսների քանակով։
