Անգլիայի հավաքականի և «Մանչեսթեր Յունայթեդի» նախկին հարձակվող Ուեյն Ռունին համեմատություն է անցկացրել «Լիվերպուլի» լեգենդ Սթիվեն Ջերարդի և «Մանչեսթեր Սիթիի» կիսապաշտպան Կևին դե Բրույնեի միջև։
«Այս խաղացողները նման են, բայց կարծում եմ, որ Դե Բրույնեն հարձակման մեջ մի փոքր ավելի լավն է, քան Ջերարդը։ Այլ որակներով նրանք նման են։ Ջերարդն ավելի բազմակողմանի խաղացող էր, բայց Կևինը անհավանական է հարձակման փուլում», – Ռունիի խոսքերն է փոխանցում Goal-ը։
Հիշեցնենք, որ Սթիվեն Ջերարդը մարզչի պաշտոնում սկսել է աշխատել խաղացողի կարիերան ավարտելուց հետո։ Դե Բրույնեն ներկայումս խաղում է «Մանչեսթեր Սիթիում»։ Ընթացիկ մրցաշրջանի ավարտին բելգիացին կլքի թիմը։
