Մադրիդի «Ռեալը» ցանկանում է կիսապաշտպան ձեռք բերել, ով կարող է որակապես փոխարինել նախորդ տարի կարիերան ավարտած Տոնի Կրոսին։
Այս մասին հայտնում է Cadena Ser-ը։
Աղբյուրի համաձայն՝ «Լոս Բլանկոները» որպես իդեալական տարբերակ դիտարկում են «Մանչեսթեր Սիթիի» կիսապաշտպան Ռոդրիին։ Մադրիդի «Ռեալին» չի անհանգստացնում այն փաստը, որ իսպանացի ֆուտբոլիստն այս մրցաշրջանի սկզբում պատռել է խաչաձև կապանները։
Նշվում է, որ Ռոդրիի որոշման վրա կարող է ազդել «Արքայական» ակումբի պաշտպան Դանի Կարվախալը, քանի որ ֆուտբոլիստները մոտ ընկերներ են։
Այլընտրանքային տարբերակ է «Ռեալ-Սոսյեդադի» կիսապաշտպան Մարտին Սուբիմենդիի հետ պայմանագիր կնքելը։
