«Չելսին» և «Նյուքասլը» հետաքրքրված են Մյունխենի «Բավարիայի» 28-ամյա կենտրոնական պաշտպան Կիմ Մին Ջեի ծառայություններով, հայտնում է լրագրող Սանտի Աունան սոցցանցերում։
Աղբյուրը հայտնում է, որ այս ակումբներն արդեն բանակցություններ են վարել հարավկորեացի ֆուտբոլիստի ղեկավարության հետ։ Կիմ Մին Ջեն պատրաստ է հաջորդ ամառ հեռանալ «Բավարիայից» և պատրաստ է դիտարկել այլ թիմերի առաջարկները։
Այս մրցաշրջանում Կիմ Մին Ջեն բոլոր մրցաշարերում մասնակցել է 42 հանդիպման և դարձել երեք գոլի հեղինակ։ Նրա պայմանագիրն ակումբի հետ նախատեսված է մինչև 2028 թվականի ամառը։
