«Բարսելոնան» իր պաշտոնական կայքում հայտարարել է, որ մտադիր է բողոք ներկայացնել Լա Լիգայի և Իսպանիայի թագավորական ֆուտբոլի ֆեդերացիայի (RFEF) կողմից կազմված խաղերի ժամանակացույցի դեմ։ «Բարսելոնան» ավելացրել է, որ իրենք համաձայն չեն այն չափանիշների հետ, որոնք այս կազմակերպությունները սահմանել են խաղերի ամսաթվերի և ժամերի վերաբերյալ։
Ավելի վաղ թիմի գլխավոր մարզիչ Հանս-Դիտեր Ֆլիկը նույնպես քննադատել էր Լա Լիգային՝ ընթացիկ խաղերի ժամանակացույցի համար։
«Մենք կարծում ենք, ինչպես երեկ հրապարակավ հայտարարեց մեր մարզիչ Հանսի Ֆլիկը, որին լիովին աջակցում ենք մեր հայտարարության մեջ, որ իսպանական ֆուտբոլի իրավասու մարմինները պետք է ավելի շատ հետաքրքրվեն այն թիմերով, որոնք, ինչպես և մերը, մրցաշրջանի վերջին հատվածում մասնակցում են բոլոր պաշտոնական մրցաշարերին։
Սա երկարաժամկետ խնդիր է և, չնայած կասկածի տակ չդնելով խաղերի նման խիտ ցուցակ կազմելու դժվարությունը, «Բարսելոնան» կշարունակի պաշտպանել ազգային և միջազգային ֆուտբոլային իշխանությունների հետ՝ ապահովելու համար, որ մարզական օրացույցը մնա ավելի հետևողական։
«Բարսելոնան» պաշտոնական բողոք կներկայացնի ֆուտբոլը կարգավորող մարմիններին՝ խուսափելու նոր իրավիճակներից, որոնք կարող են վնասել ֆուտբոլիստներին», – ասվում է կատալոնական ակումբի տարածած հաղորդագրության մեջ։
Հիշեցնենք, որ «Բարսելոնան» այս մրցաշրջանում արդեն մի քանի անգամ արտահայտել է իր անհամաձայնությունը Լա Լիգայի և Իսպանիայի ֆուտբոլի ֆեդերացիայի կողմից թիմի հանդիպումների մեկնարկի ամսաթվերի և ժամերի հետ կապված չափանիշների հետ։
